XX. mendeko Euskararen Corpus estatistikoa
Testuingurua
HARI-INSTRUMENTUAKBibolina, Biola, Biolontxeloa, Kontrabaxua
Oinarrizko Maila
Helburua
Oinarrizko mailan Hari-instrumentuen irakaskuntzak ikasleengan honako gaitasun hauek garatzen laguntzea izango du helburu:
a) Instrumentua egoki ezartzea eta arkua erabiltzea, ezkerreko eskuaren iharduera zein bien arteko koordinazio egokia lortzeko gorputzaren posizioa hartzea.
b) Instrumentuaren ezaugarriak eta soinu-aukerak ezagutzea eta mailaren eskakizunen arabera erabiltzen jakitea, bakarlari nahiz taldekide modura.
c) Afinazioaren kontrol iraunkorra eta soinuaren kalitate-hobekuntza jarraia izateko aukera ematen duen entzumen-sentikortasuna erakustea.
d) Estilo eta garai desberdinetakoak diren eta maila honen araberako zailtasuna duten obrez osatutako oinarrizko errepertorioa interpretatzea.
Edukinak
Soinu-produkzioa: hariak airean, arku guztia eta honen luzera desberdinak erabiliz.
Instrumentuaren eta arkuaren posizioa: giharre-kontrola.
Entzumen-sentikortasunaren garapena, soinuaren kalitate ona lortzeko ezinbesteko baldintza modura.
Oinarrizko arkudurak eta vibratoa espresio musikalaren elementu gisa ezagutzea.
Posizio-azterketa.
Eskuineko besoaren (
Oroimena lantzeko ariketa iraunkorra eta progresiboa.
Ikasteko ohitura egoki eta eraginkorrak lortzea.
Obra edo fragmentu sinpleak bistaz irakurtzea.
Egitura musikalen maila desberdinak (motiboak, gaiak, aldiak, fraseak, atalak, etab.) ulertzeko hastapenak, hauen bidez interpretazio kontzientera (eta ez intuitibo hutsera) iristeko.
Ikaslearen ahalmen musikal eta teknikoaren garapen bateraturako egokitzat hartzen diren hari-instrumentuen errepertorioko ariketa, estudio eta obren zailtasun-mailari dagokion hautaketa progresiboa.
Talde-lana.
Oinarrizko maila
Helburuak
Oinarrizko mailan zi-instrumentuen irakaskuntzak ikasleengan honako gaitasun hauek garatzen laguntzea izango du helburu:
a) Instrumentuarekiko gorputz-posizio egokia hartzea, diapasoian ezkerreko beso-besaurre-eskumutur-eskuak-hatzak multzoaren ekintza eta zi eta harietan eskuineko iharduera bideratu eta lagundu ahal izateko.
b) Instrumentuaren ezaugarriak eta soinu-aukerak ezagutzea, eta mailaren eskakizunen arabera bakarlari nahiz taldekide modura erabiltzen jakitea.